Çdo sulm ndaj infrastrukturës amerikane do të përballet me një përgjigje, paralajmëroi Shtëpia e Bardhë, pasi një zyrtar i lartë i ministrisë së jashtme ruse tha se satelitët komercialë perëndimorë mund të jenë “objektiva legjitime” të Rusisë nëse përfshihen në luftën e Ukrainës.
John Kirby, zëdhënës i Shtëpisë së Bardhë, u tha gazetarëve se ka prova, të cilat ai tha se janë të njohura, se rusët po kërkojnë të zhvillojnë teknologji anti-satelitore.
SHBA dëshiron të rinovojë marrëveshjen për eksportet e grurit nga Ukraina
Shtetet e Bashkuara mbështesin fuqimisht përpjekjet e OKB-së për të siguruar rinovimin e marrëveshjes për eksportet e drithërave përmes Detit të Zi, tha John Kirby, duke theksuar se kjo do të ndihmonte në uljen e çmimeve të ushqimeve.
Zëdhënësi i Shtëpisë së Bardhë argumentoi se çdo përpjekje e Rusisë për të prishur këtë marrëveshje do të përbënte një përpjekje tjetër për të “instrumentalizuar” mallrat.